ചിത്രം: ശ്യാമ
രചന: ഷിബു ചക്രവര്‍ത്തി
സംഗീതം: രഘു കുമാര്‍
പാടിയത്: ചിത്ര


ചെമ്പരത്തി പൂവേ ചൊല്ല് ദേവനെ നീ കണ്ടോ
അമ്പലതിലിന്നല്ലയോ സ്വര്‍ണ്ണ രഥ ഘോഷം (ചെമ്പരത്തി)

ദേവനു നല്‍കാന്‍ കൈയ്യില്‍ നാണത്തിന്‍ നൈവേദ്യമോ
കോവിലില്‍ പോയി ദൂരേ നാണിച്ചു നിന്നവളേ (ദേവനു)
വന്നില്ലേ ചാരത്തു നിന്നില്ലേ ദേവനിന്ന് (ചെമ്പരത്തി)

താഴ്വരയാറ്റിന്‍ തീരേ ആടുവാന്‍ വന്ന കാറ്റില്‍
കാലിലെ പാദസരം കാണാതെ വീണതെങ്ങ്
താഴമ്പൂ കാട്ടിലെ ചന്ദന കട്ടിലിലോ (ചെമ്പരത്തി)