ചിത്രം : അറബിക്കഥ
രചന : അനില്‍ പനച്ചൂരാന്‍
സംഗീതം : ബിജിബാല്‍
പാടിയത് : യേശുദാസ്
തിരികേ ഞാന്‍ വരുമെന്ന വാര്‍ത്ത കേള്‍ക്കാനായി
ഗ്രാമം കൊതിയ്ക്കാറുണ്ടെന്നും
തിരികേ മടങ്ങുവാന്‍ തീരത്തടുക്കുവാന്‍
ഞാനും കൊതിയ്ക്കാറുണ്ടെന്നും
വിടുവായിത്തവളകള്‍ പതിവായി കരയുന്ന
നടവരമ്പോര്‍മയില്‍ കണ്ടു
വെയിലേറ്റു വാടുന്ന ചെറുമികള്‍ തേടുന്ന
തണലും തണുപ്പും ഞാന്‍ കണ്ടു
ഒരുവട്ടി പൂവുമായ് അകലത്തെ അമ്പിളി..
തിരുവോണ തോണിയൂന്നുമ്പോള്‍
തിരപുല്‍കും നാടെന്നെ തിരികേ വിളിക്കുനു
ഇളനീരിന്‍ മധുരക്കിനാവായ്
തുഴപോയ തോണിയില്‍ തകരുന്ന നെഞ്ചിലെ
തുടികൊട്ടും പാട്ടായി ഞാനും
മനമുരുകി പാടുന്ന പാട്ടില്‍ മരുപ്പക്ഷി
പിടയുന്ന ചിറകൊച്ച കേട്ടു
Subscribe to:
Post Comments (Atom)
No comments:
Post a Comment